Mae’r bŵtcamp hwn wedi cael ei ddylunio i gynnig y ddamcaniaeth wrth wraidd technolegau digidol a sut y cânt eu cymhwyso’n ymarferol yn y gweithle. Astudir y pynciau canlynol:

Addysgir y modiwlau ochr yn ochr â’r gweithdai ar reoli prosiect a rhwydweithio, gyda chlinigau sgiliau ac adolygiadau cyfoedion rheolaidd. Yn ogystal â hyn, byddwch yn cael mynediad at siaradwyr gwadd o’r diwydiant, yn ogystal â sesiynau mentora un i un i ddarparu canllawiau cyflogadwyedd. 
Hyfforddiant ystafell ddosbarth wyneb yn wyneb. Nid oes asesiad ffurfiol nac arholiad.

Nid oes gan y Bŵt-camp hwn unrhyw ofynion mynediad ffurfiol a bydd yr ymgeiswyr yn cael eu dewis ar sail teilyngdod ar ôl mynd trwy broses sgrinio cyn-gofrestru gyda’r darparwr. Er nad oes angen unrhyw gymwysterau ffurfiol, byddai profiad mewn cofnodi data, y cyfryngau cymdeithasol, cyfathrebu ac ymchwil ar y we, a phrosesu gwybodaeth yn ddiogel, yn fuddiol. Lluniwyd y cwrs hwn yn arbennig gyda’r unigolion canlynol mewn golwg: - Gweithwyr proffesiynol ar ddechrau neu ar ganol eu gyrfaoedd sy’n awyddus i uwchsgilio – Graddedigion diweddar – Gweithwyr proffesiynol marchnata a chyfathrebu – Rheolwyr prosiectau – Gweithwyr proffesiynol dylunio creadigol. Rhaid i’r ymgeiswyr fod yn 18+ oed a rhaid iddynt fyw neu weithio ym Mhrifddinas-Ranbarth Caerdydd, sy’n cynnwys Pen-y-bont ar Ogwr, Blaenau Gwent, Caerffili, Caerdydd, Merthyr Tudful, Sir Fynwy, Casnewydd, Rhondda Cynon Taf, Torfaen a Bro Morgannwg. Ni ddylai’r ymgeiswyr fod mewn addysg amser llawn. Bydd angen i’r dysgwyr lenwi holiadur byr a lunnir gan y Big Learning Company, er mwyn helpu i wneud penderfyniadau. Bydd yr holiadur hwn yn cael ei anfon atoch ar ôl ichi lwyddo i fodloni meini prawf cyllido’r prosiect hwn.

• Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.

• Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.

• Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.

• Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.

• Gall ffioedd cyrsiau newid. Cadarnheir eich ffi cyn ymrestru.

• Mae pob cwrs yn fanwl gywir adeg uwchlwytho neu argraffu'r deunydd hwn.

• Dim ond os oes niferoedd digonol y cynhelir y cyrsiau.

• Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.